ലളിതാ സഹസ്രനാമം

॥ ന്യാസഃ ॥

അസ്യ ശ്രീലളിതാസഹസ്രനാമസ്തോത്രമാലാ മന്ത്രസ്യ ।
വശിന്യാദിവാഗ്ദേവതാ ഋഷയഃ ।
അനുഷ്ടുപ് ഛന്ദഃ ।
ശ്രീലലിതാപരമേശ്വരീ ദേവതാ ।
ശ്രീമദ്വാഗ്ഭവകൂടേതി ബീജം ।
മധ്യകൂടേതി ശക്തിഃ ।
ശക്തികൂടേതി കീലകം ।
ശ്രീലലിതാമഹാത്രിപുരസുന്ദരീ-പ്രസാദസിദ്ധിദ്വാരാ
ചിന്തിതഫലാവാപ്ത്യര്‍ഥേ ജപേ വിനിയോഗഃ ।

॥ ധ്യാനം ॥

സിന്ദൂരാരുണ വിഗ്രഹാം ത്രിനയനാം മാണിക്യമൌലി സ്ഫുരത്
താരാ നായക ശേഖരാം സ്മിതമുഖീ മാപീന വക്ഷോരുഹാം ।
പാണിഭ്യാമലിപൂര്‍ണ രത്ന ചഷകം രക്തോത്പലം ബിഭ്രതീം
സൌംയാം രത്ന ഘടസ്ഥ രക്തചരണാം ധ്യായേത് പരാമംബികാം ॥

അരുണാം കരുണാ തരങ്ഗിതാക്ഷീം
ധൃത പാശാങ്കുശ പുഷ്പ ബാണചാപാം ।
അണിമാദിഭി രാവൃതാം മയൂഖൈ-
രഹമിത്യേവ വിഭാവയേ ഭവാനീം ॥

ധ്യായേത് പദ്മാസനസ്ഥാം വികസിതവദനാം പദ്മപത്രായതാക്ഷീം
ഹേമാഭാം പീതവസ്ത്രാം കരകലിതലസദ്ധേമപദ്മാം വരാങ്ഗീം ।
സര്‍വാലങ്കാര യുക്താം സതത മഭയദാം ഭക്തനംരാം ഭവാനീം
ശ്രീവിദ്യാം ശാന്ത മൂര്‍തിം സകല സുരനുതാം സര്‍വ സമ്പത്പ്രദാത്രീം ॥

സകുങ്കുമ വിലേപനാമലികചുംബി കസ്തൂരികാം
സമന്ദ ഹസിതേക്ഷണാം സശര ചാപ പാശാങ്കുശാം ।
അശേഷജന മോഹിനീം അരുണ മാല്യ ഭൂഷാംബരാം
ജപാകുസുമ ഭാസുരാം ജപവിധൌ സ്മരേ ദംബികാം ॥

॥ അഥ ശ്രീലലിതാസഹസ്രനാമസ്തോത്രം ॥

ഓം ശ്രീമാതാ ശ്രീമഹാരാജ്ഞീ ശ്രീമത്-സിംഹാസനേശ്വരീ ।
ചിദഗ്നി-കുണ്ഡ-സംഭൂതാ ദേവകാര്യ-സമുദ്യതാ ॥ 1॥

ഉദ്യദ്ഭാനു-സഹസ്രാഭാ ചതുര്‍ബാഹു-സമന്വിതാ ।
രാഗസ്വരൂപ-പാശാഢ്യാ ക്രോധാകാരാങ്കുശോജ്ജ്വലാ ॥ 2॥

മനോരൂപേക്ഷു-കോദണ്ഡാ പഞ്ചതന്‍മാത്ര-സായകാ ।
നിജാരുണ-പ്രഭാപൂര-മജ്ജദ്ബ്രഹ്മാണ്ഡ-മണ്ഡലാ ॥ 3॥

ചമ്പകാശോക-പുന്നാഗ-സൌഗന്ധിക-ലസത്കചാ ।
കുരുവിന്ദമണി-ശ്രേണീ-കനത്കോടീര-മണ്ഡിതാ ॥ 4॥

അഷ്ടമീചന്ദ്ര-വിഭ്രാജ-ദലികസ്ഥല-ശോഭിതാ ।
മുഖചന്ദ്ര-കലങ്കാഭ-മൃഗനാഭി-വിശേഷകാ ॥ 5॥

വദനസ്മര-മാങ്ഗല്യ-ഗൃഹതോരണ-ചില്ലികാ ।
വക്ത്രലക്ഷ്മീ-പരീവാഹ-ചലന്‍മീനാഭ-ലോചനാ ॥ 6॥

നവചമ്പക-പുഷ്പാഭ-നാസാദണ്ഡ-വിരാജിതാ ।
താരാകാന്തി-തിരസ്കാരി-നാസാഭരണ-ഭാസുരാ ॥ 7॥

കദംബമഞ്ജരീ-കൢപ്ത-കര്‍ണപൂര-മനോഹരാ ।
താടങ്ക-യുഗലീ-ഭൂത-തപനോഡുപ-മണ്ഡലാ ॥ 8॥

പദ്മരാഗ-ശിലാദര്‍ശ-പരിഭാവി-കപോലഭൂഃ ।
നവവിദ്രുമ-ബിംബശ്രീ-ന്യക്കാരി-രദനച്ഛദാ ॥ 9॥ or ദശനച്ഛദാ

ശുദ്ധ-വിദ്യാങ്കുരാകാര-ദ്വിജപങ്ക്തി-ദ്വയോജ്ജ്വലാ ।
കര്‍പൂര-വീടികാമോദ-സമാകര്‍ഷി-ദിഗന്തരാ ॥ 10॥

നിജ-സല്ലാപ-മാധുര്യ-വിനിര്‍ഭര്‍ത്സിത-കച്ഛപീ । or നിജ-സംലാപ
മന്ദസ്മിത-പ്രഭാപൂര-മജ്ജത്കാമേശ-മാനസാ ॥ 11॥

അനാകലിത-സാദൃശ്യ-ചിബുകശ്രീ-വിരാജിതാ । or ചുബുകശ്രീ
കാമേശ-ബദ്ധ-മാങ്ഗല്യ-സൂത്ര-ശോഭിത-കന്ധരാ ॥ 12॥

കനകാങ്ഗദ-കേയൂര-കമനീയ-ഭുജാന്വിതാ ।
രത്നഗ്രൈവേയ-ചിന്താക-ലോല-മുക്താ-ഫലാന്വിതാ ॥ 13॥

കാമേശ്വര-പ്രേമരത്ന-മണി-പ്രതിപണ-സ്തനീ ।
നാഭ്യാലവാല-രോമാലി-ലതാ-ഫല-കുചദ്വയീ ॥ 14॥

ലക്ഷ്യരോമ-ലതാധാരതാ-സമുന്നേയ-മധ്യമാ ।
സ്തനഭാര-ദലന്‍മധ്യ-പട്ടബന്ധ-വലിത്രയാ ॥ 15॥

അരുണാരുണ-കൌസുംഭ-വസ്ത്ര-ഭാസ്വത്-കടീതടീ ।
രത്ന-കിങ്കിണികാ-രംയ-രശനാ-ദാമ-ഭൂഷിതാ ॥ 16॥

കാമേശ-ജ്ഞാത-സൌഭാഗ്യ-മാര്‍ദവോരു-ദ്വയാന്വിതാ ।
മാണിക്യ-മുകുടാകാര-ജാനുദ്വയ-വിരാജിതാ ॥ 17॥

ഇന്ദ്രഗോപ-പരിക്ഷിപ്ത-സ്മരതൂണാഭ-ജങ്ഘികാ ।
ഗൂഢഗുല്‍ഫാ കൂര്‍മപൃഷ്ഠ-ജയിഷ്ണു-പ്രപദാന്വിതാ ॥ 18॥

നഖ-ദീധിതി-സംഛന്ന-നമജ്ജന-തമോഗുണാ ।
പദദ്വയ-പ്രഭാജാല-പരാകൃത-സരോരുഹാ ॥ 19॥

സിഞ്ജാന-മണിമഞ്ജീര-മണ്ഡിത-ശ്രീ-പദാംബുജാ । or ശിഞ്ജാന
മരാലീ-മന്ദഗമനാ മഹാലാവണ്യ-ശേവധിഃ ॥ 20॥

സര്‍വാരുണാഽനവദ്യാങ്ഗീ സര്‍വാഭരണ-ഭൂഷിതാ ।
ശിവ-കാമേശ്വരാങ്കസ്ഥാ ശിവാ സ്വാധീന-വല്ലഭാ ॥ 21॥

സുമേരു-മധ്യ-ശൃങ്ഗസ്ഥാ ശ്രീമന്നഗര-നായികാ ।
ചിന്താമണി-ഗൃഹാന്തസ്ഥാ പഞ്ച-ബ്രഹ്മാസന-സ്ഥിതാ ॥ 22॥

മഹാപദ്മാടവീ-സംസ്ഥാ കദംബവന-വാസിനീ ।
സുധാസാഗര-മധ്യസ്ഥാ കാമാക്ഷീ കാമദായിനീ ॥ 23॥

ദേവര്‍ഷി-ഗണ-സംഘാത-സ്തൂയമാനാത്മ-വൈഭവാ ।
ഭണ്ഡാസുര-വധോദ്യുക്ത-ശക്തിസേനാ-സമന്വിതാ ॥ 24॥

സമ്പത്കരീ-സമാരൂഢ-സിന്ധുര-വ്രജ-സേവിതാ ।
അശ്വാരൂഢാധിഷ്ഠിതാശ്വ-കോടി-കോടിഭിരാവൃതാ ॥ 25॥

ചക്രരാജ-രഥാരൂഢ-സര്‍വായുധ-പരിഷ്കൃതാ ।
ഗേയചക്ര-രഥാരൂഢ-മന്ത്രിണീ-പരിസേവിതാ ॥ 26॥

കിരിചക്ര-രഥാരൂഢ-ദണ്ഡനാഥാ-പുരസ്കൃതാ ।
ജ്വാലാ-മാലിനികാക്ഷിപ്ത-വഹ്നിപ്രാകാര-മധ്യഗാ ॥ 27॥

ഭണ്ഡസൈന്യ-വധോദ്യുക്ത-ശക്തി-വിക്രമ-ഹര്‍ഷിതാ ।
നിത്യാ-പരാക്രമാടോപ-നിരീക്ഷണ-സമുത്സുകാ ॥ 28॥

ഭണ്ഡപുത്ര-വധോദ്യുക്ത-ബാലാ-വിക്രമ-നന്ദിതാ ।
മന്ത്രിണ്യംബാ-വിരചിത-വിഷങ്ഗ-വധ-തോഷിതാ ॥ 29॥

വിശുക്ര-പ്രാണഹരണ-വാരാഹീ-വീര്യ-നന്ദിതാ ।
കാമേശ്വര-മുഖാലോക-കല്‍പിത-ശ്രീഗണേശ്വരാ ॥ 30॥

മഹാഗണേശ-നിര്‍ഭിന്ന-വിഘ്നയന്ത്ര-പ്രഹര്‍ഷിതാ ।
ഭണ്ഡാസുരേന്ദ്ര-നിര്‍മുക്ത-ശസ്ത്ര-പ്രത്യസ്ത്ര-വര്‍ഷിണീ ॥ 31॥

കരാങ്ഗുലി-നഖോത്പന്ന-നാരായണ-ദശാകൃതിഃ ।
മഹാ-പാശുപതാസ്ത്രാഗ്നി-നിര്‍ദഗ്ധാസുര-സൈനികാ ॥ 32॥

കാമേശ്വരാസ്ത്ര-നിര്‍ദഗ്ധ-സഭണ്ഡാസുര-ശൂന്യകാ ।
ബ്രഹ്മോപേന്ദ്ര-മഹേന്ദ്രാദി-ദേവ-സംസ്തുത-വൈഭവാ ॥ 33॥

ഹര-നേത്രാഗ്നി-സംദഗ്ധ-കാമ-സഞ്ജീവനൌഷധിഃ ।
ശ്രീമദ്വാഗ്ഭവ-കൂടൈക-സ്വരൂപ-മുഖ-പങ്കജാ ॥ 34॥

കണ്ഠാധഃ-കടി-പര്യന്ത-മധ്യകൂട-സ്വരൂപിണീ ।
ശക്തി-കൂടൈകതാപന്ന-കട്യധോഭാഗ-ധാരിണീ ॥ 35॥

മൂല-മന്ത്രാത്മികാ മൂലകൂടത്രയ-കലേബരാ ।
കുലാമൃതൈക-രസികാ കുലസംകേത-പാലിനീ ॥ 36॥

കുലാങ്ഗനാ കുലാന്തസ്ഥാ കൌലിനീ കുലയോഗിനീ ।
അകുലാ സമയാന്തസ്ഥാ സമയാചാര-തത്പരാ ॥ 37॥

മൂലാധാരൈക-നിലയാ ബ്രഹ്മഗ്രന്ഥി-വിഭേദിനീ ।
മണി-പൂരാന്തരുദിതാ വിഷ്ണുഗ്രന്ഥി-വിഭേദിനീ ॥ 38॥

ആജ്ഞാ-ചക്രാന്തരാലസ്ഥാ രുദ്രഗ്രന്ഥി-വിഭേദിനീ ।
സഹസ്രാരാംബുജാരൂഢാ സുധാ-സാരാഭിവര്‍ഷിണീ ॥ 39॥

തഡില്ലതാ-സമരുചിഃ ഷട്ചക്രോപരി-സംസ്ഥിതാ ।
മഹാസക്തിഃ കുണ്ഡലിനീ ബിസതന്തു-തനീയസീ ॥ 40॥

ഭവാനീ ഭാവനാഗംയാ ഭവാരണ്യ-കുഠാരികാ ।
ഭദ്രപ്രിയാ ഭദ്രമൂര്‍തിര്‍ ഭക്ത-സൌഭാഗ്യദായിനീ ॥ 41॥

ഭക്തിപ്രിയാ ഭക്തിഗംയാ ഭക്തിവശ്യാ ഭയാപഹാ ।
ശാംഭവീ ശാരദാരാധ്യാ ശര്‍വാണീ ശര്‍മദായിനീ ॥ 42॥

ശാങ്കരീ ശ്രീകരീ സാധ്വീ ശരച്ചന്ദ്ര-നിഭാനനാ ।
ശാതോദരീ ശാന്തിമതീ നിരാധാരാ നിരഞ്ജനാ ॥ 43॥

നിര്ലേപാ നിര്‍മലാ നിത്യാ നിരാകാരാ നിരാകുലാ ।
നിര്‍ഗുണാ നിഷ്കലാ ശാന്താ നിഷ്കാമാ നിരുപപ്ലവാ ॥ 44॥

നിത്യമുക്താ നിര്‍വികാരാ നിഷ്പ്രപഞ്ചാ നിരാശ്രയാ ।
നിത്യശുദ്ധാ നിത്യബുദ്ധാ നിരവദ്യാ നിരന്തരാ ॥ 45॥

നിഷ്കാരണാ നിഷ്കലങ്കാ നിരുപാധിര്‍ നിരീശ്വരാ ।
നീരാഗാ രാഗമഥനീ നിര്‍മദാ മദനാശിനീ ॥ 46॥

നിശ്ചിന്താ നിരഹംകാരാ നിര്‍മോഹാ മോഹനാശിനീ ।
നിര്‍മമാ മമതാഹന്ത്രീ നിഷ്പാപാ പാപനാശിനീ ॥ 47॥

നിഷ്ക്രോധാ ക്രോധശമനീ നിര്ലോഭാ ലോഭനാശിനീ ।
നിഃസംശയാ സംശയഘ്നീ നിര്‍ഭവാ ഭവനാശിനീ ॥ 48॥ or നിസ്സംശയാ

നിര്‍വികല്‍പാ നിരാബാധാ നിര്‍ഭേദാ ഭേദനാശിനീ ।
നിര്‍നാശാ മൃത്യുമഥനീ നിഷ്ക്രിയാ നിഷ്പരിഗ്രഹാ ॥ 49॥

നിസ്തുലാ നീലചികുരാ നിരപായാ നിരത്യയാ ।
ദുര്ലഭാ ദുര്‍ഗമാ ദുര്‍ഗാ ദുഃഖഹന്ത്രീ സുഖപ്രദാ ॥ 50॥

ദുഷ്ടദൂരാ ദുരാചാര-ശമനീ ദോഷവര്‍ജിതാ ।
സര്‍വജ്ഞാ സാന്ദ്രകരുണാ സമാനാധിക-വര്‍ജിതാ ॥ 51॥

സര്‍വശക്തിമയീ സര്‍വ-മങ്ഗലാ സദ്ഗതിപ്രദാ ।
സര്‍വേശ്വരീ സര്‍വമയീ സര്‍വമന്ത്ര-സ്വരൂപിണീ ॥ 52॥

സര്‍വ-യന്ത്രാത്മികാ സര്‍വ-തന്ത്രരൂപാ മനോന്‍മനീ ।
മാഹേശ്വരീ മഹാദേവീ മഹാലക്ഷ്മീര്‍ മൃഡപ്രിയാ ॥ 53॥

മഹാരൂപാ മഹാപൂജ്യാ മഹാപാതക-നാശിനീ ।
മഹാമായാ മഹാസത്ത്വാ മഹാശക്തിര്‍ മഹാരതിഃ ॥ 54॥

മഹാഭോഗാ മഹൈശ്വര്യാ മഹാവീര്യാ മഹാബലാ ।
മഹാബുദ്ധിര്‍ മഹാസിദ്ധിര്‍ മഹായോഗേശ്വരേശ്വരീ ॥ 55॥

മഹാതന്ത്രാ മഹാമന്ത്രാ മഹായന്ത്രാ മഹാസനാ ।
മഹായാഗ-ക്രമാരാധ്യാ മഹാഭൈരവ-പൂജിതാ ॥ 56॥

മഹേശ്വര-മഹാകല്‍പ-മഹാതാണ്ഡവ-സാക്ഷിണീ ।
മഹാകാമേശ-മഹിഷീ മഹാത്രിപുര-സുന്ദരീ ॥ 57॥

ചതുഃഷഷ്ട്യുപചാരാഢ്യാ ചതുഃഷഷ്ടികലാമയീ ।
മഹാചതുഃ-ഷഷ്ടികോടി-യോഗിനീ-ഗണസേവിതാ ॥ 58॥

മനുവിദ്യാ ചന്ദ്രവിദ്യാ ചന്ദ്രമണ്ഡല-മധ്യഗാ ।
ചാരുരൂപാ ചാരുഹാസാ ചാരുചന്ദ്ര-കലാധരാ ॥ 59॥

ചരാചര-ജഗന്നാഥാ ചക്രരാജ-നികേതനാ ।
പാര്‍വതീ പദ്മനയനാ പദ്മരാഗ-സമപ്രഭാ ॥ 60॥

പഞ്ച-പ്രേതാസനാസീനാ പഞ്ചബ്രഹ്മ-സ്വരൂപിണീ ।
ചിന്‍മയീ പരമാനന്ദാ വിജ്ഞാന-ഘനരൂപിണീ ॥ 61॥

ധ്യാന-ധ്യാതൃ-ധ്യേയരൂപാ ധര്‍മാധര്‍മ-വിവര്‍ജിതാ ।
വിശ്വരൂപാ ജാഗരിണീ സ്വപന്തീ തൈജസാത്മികാ ॥ 62॥

സുപ്താ പ്രാജ്ഞാത്മികാ തുര്യാ സര്‍വാവസ്ഥാ-വിവര്‍ജിതാ ।
സൃഷ്ടികര്‍ത്രീ ബ്രഹ്മരൂപാ ഗോപ്ത്രീ ഗോവിന്ദരൂപിണീ ॥ 63॥

സംഹാരിണീ രുദ്രരൂപാ തിരോധാന-കരീശ്വരീ ।
സദാശിവാഽനുഗ്രഹദാ പഞ്ചകൃത്യ-പരായണാ ॥ 64॥

ഭാനുമണ്ഡല-മധ്യസ്ഥാ ഭൈരവീ ഭഗമാലിനീ ।
പദ്മാസനാ ഭഗവതീ പദ്മനാഭ-സഹോദരീ ॥ 65॥

ഉന്‍മേഷ-നിമിഷോത്പന്ന-വിപന്ന-ഭുവനാവലീ ।
സഹസ്ര-ശീര്‍ഷവദനാ സഹസ്രാക്ഷീ സഹസ്രപാത് ॥ 66॥

ആബ്രഹ്മ-കീട-ജനനീ വര്‍ണാശ്രമ-വിധായിനീ ।
നിജാജ്ഞാരൂപ-നിഗമാ പുണ്യാപുണ്യ-ഫലപ്രദാ ॥ 67॥

ശ്രുതി-സീമന്ത-സിന്ദൂരീ-കൃത-പാദാബ്ജ-ധൂലികാ ।
സകലാഗമ-സന്ദോഹ-ശുക്തി-സമ്പുട-മൌക്തികാ ॥ 68॥

പുരുഷാര്‍ഥപ്രദാ പൂര്‍ണാ ഭോഗിനീ ഭുവനേശ്വരീ ।
അംബികാഽനാദി-നിധനാ ഹരിബ്രഹ്മേന്ദ്ര-സേവിതാ ॥ 69॥

നാരായണീ നാദരൂപാ നാമരൂപ-വിവര്‍ജിതാ ।
ഹ്രീംകാരീ ഹ്രീമതീ ഹൃദ്യാ ഹേയോപാദേയ-വര്‍ജിതാ ॥ 70॥

രാജരാജാര്‍ചിതാ രാജ്ഞീ രംയാ രാജീവലോചനാ ।
രഞ്ജനീ രമണീ രസ്യാ രണത്കിങ്കിണി-മേഖലാ ॥ 71॥

രമാ രാകേന്ദുവദനാ രതിരൂപാ രതിപ്രിയാ ।
രക്ഷാകരീ രാക്ഷസഘ്നീ രാമാ രമണലമ്പടാ ॥ 72॥

കാംയാ കാമകലാരൂപാ കദംബ-കുസുമ-പ്രിയാ ।
കല്യാണീ ജഗതീകന്ദാ കരുണാ-രസ-സാഗരാ ॥ 73॥

കലാവതീ കലാലാപാ കാന്താ കാദംബരീപ്രിയാ ।
വരദാ വാമനയനാ വാരുണീ-മദ-വിഹ്വലാ ॥ 74॥

വിശ്വാധികാ വേദവേദ്യാ വിന്ധ്യാചല-നിവാസിനീ ।
വിധാത്രീ വേദജനനീ വിഷ്ണുമായാ വിലാസിനീ ॥ 75॥

ക്ഷേത്രസ്വരൂപാ ക്ഷേത്രേശീ ക്ഷേത്ര-ക്ഷേത്രജ്ഞ-പാലിനീ ।
ക്ഷയവൃദ്ധി-വിനിര്‍മുക്താ ക്ഷേത്രപാല-സമര്‍ചിതാ ॥ 76॥

വിജയാ വിമലാ വന്ദ്യാ വന്ദാരു-ജന-വത്സലാ ।
വാഗ്വാദിനീ വാമകേശീ വഹ്നിമണ്ഡല-വാസിനീ ॥ 77॥

ഭക്തിമത്-കല്‍പലതികാ പശുപാശ-വിമോചിനീ ।
സംഹൃതാശേഷ-പാഷണ്ഡാ സദാചാര-പ്രവര്‍തികാ ॥ 78॥ or പാഖണ്ഡാ

താപത്രയാഗ്നി-സന്തപ്ത-സമാഹ്ലാദന-ചന്ദ്രികാ ।
തരുണീ താപസാരാധ്യാ തനുമധ്യാ തമോഽപഹാ ॥ 79॥

ചിതിസ്തത്പദ-ലക്ഷ്യാര്‍ഥാ ചിദേകരസ-രൂപിണീ ।
സ്വാത്മാനന്ദ-ലവീഭൂത-ബ്രഹ്മാദ്യാനന്ദ-സന്തതിഃ ॥ 80॥

പരാ പ്രത്യക്ചിതീരൂപാ പശ്യന്തീ പരദേവതാ ।
മധ്യമാ വൈഖരീരൂപാ ഭക്ത-മാനസ-ഹംസികാ ॥ 81॥

കാമേശ്വര-പ്രാണനാഡീ കൃതജ്ഞാ കാമപൂജിതാ ।
ശൃങ്ഗാര-രസ-സമ്പൂര്‍ണാ ജയാ ജാലന്ധര-സ്ഥിതാ ॥ 82॥

ഓഡ്യാണപീഠ-നിലയാ ബിന്ദു-മണ്ഡലവാസിനീ ।
രഹോയാഗ-ക്രമാരാധ്യാ രഹസ്തര്‍പണ-തര്‍പിതാ ॥ 83॥

സദ്യഃപ്രസാദിനീ വിശ്വ-സാക്ഷിണീ സാക്ഷിവര്‍ജിതാ ।
ഷഡങ്ഗദേവതാ-യുക്താ ഷാഡ്ഗുണ്യ-പരിപൂരിതാ ॥ 84॥

നിത്യക്ലിന്നാ നിരുപമാ നിര്‍വാണ-സുഖ-ദായിനീ ।
നിത്യാ-ഷോഡശികാ-രൂപാ ശ്രീകണ്ഠാര്‍ധ-ശരീരിണീ ॥ 85॥

പ്രഭാവതീ പ്രഭാരൂപാ പ്രസിദ്ധാ പരമേശ്വരീ ।
മൂലപ്രകൃതിര്‍ അവ്യക്താ വ്യക്താവ്യക്ത-സ്വരൂപിണീ ॥ 86॥

വ്യാപിനീ വിവിധാകാരാ വിദ്യാവിദ്യാ-സ്വരൂപിണീ ।
മഹാകാമേശ-നയന-കുമുദാഹ്ലാദ-കൌമുദീ ॥ 87॥

ഭക്ത-ഹാര്‍ദ-തമോഭേദ-ഭാനുമദ്ഭാനു-സന്തതിഃ ।
ശിവദൂതീ ശിവാരാധ്യാ ശിവമൂര്‍തിഃ ശിവങ്കരീ ॥ 88॥

ശിവപ്രിയാ ശിവപരാ ശിഷ്ടേഷ്ടാ ശിഷ്ടപൂജിതാ ।
അപ്രമേയാ സ്വപ്രകാശാ മനോവാചാമഗോചരാ ॥ 89॥

ചിച്ഛക്തിശ് ചേതനാരൂപാ ജഡശക്തിര്‍ ജഡാത്മികാ ।
ഗായത്രീ വ്യാഹൃതിഃ സന്ധ്യാ ദ്വിജബൃന്ദ-നിഷേവിതാ ॥ 90॥

തത്ത്വാസനാ തത്ത്വമയീ പഞ്ച-കോശാന്തര-സ്ഥിതാ ।
നിഃസീമ-മഹിമാ നിത്യ-യൌവനാ മദശാലിനീ ॥ 91॥ or നിസ്സീമ

മദഘൂര്‍ണിത-രക്താക്ഷീ മദപാടല-ഗണ്ഡഭൂഃ ।
ചന്ദന-ദ്രവ-ദിഗ്ധാങ്ഗീ ചാമ്പേയ-കുസുമ-പ്രിയാ ॥ 92॥

കുശലാ കോമലാകാരാ കുരുകുല്ലാ കുലേശ്വരീ ।
കുലകുണ്ഡാലയാ കൌല-മാര്‍ഗ-തത്പര-സേവിതാ ॥ 93॥

കുമാര-ഗണനാഥാംബാ തുഷ്ടിഃ പുഷ്ടിര്‍ മതിര്‍ ധൃതിഃ ।
ശാന്തിഃ സ്വസ്തിമതീ കാന്തിര്‍ നന്ദിനീ വിഘ്നനാശിനീ ॥ 94॥

തേജോവതീ ത്രിനയനാ ലോലാക്ഷീ-കാമരൂപിണീ ।
മാലിനീ ഹംസിനീ മാതാ മലയാചല-വാസിനീ ॥ 95॥

സുമുഖീ നലിനീ സുഭ്രൂഃ ശോഭനാ സുരനായികാ ।
കാലകണ്ഠീ കാന്തിമതീ ക്ഷോഭിണീ സൂക്ഷ്മരൂപിണീ ॥ 96॥

വജ്രേശ്വരീ വാമദേവീ വയോഽവസ്ഥാ-വിവര്‍ജിതാ ।
സിദ്ധേശ്വരീ സിദ്ധവിദ്യാ സിദ്ധമാതാ യശസ്വിനീ ॥ 97॥

വിശുദ്ധിചക്ര-നിലയാഽഽരക്തവര്‍ണാ ത്രിലോചനാ ।
ഖട്വാങ്ഗാദി-പ്രഹരണാ വദനൈക-സമന്വിതാ ॥ 98॥

പായസാന്നപ്രിയാ ത്വക്സ്ഥാ പശുലോക-ഭയങ്കരീ ।
അമൃതാദി-മഹാശക്തി-സംവൃതാ ഡാകിനീശ്വരീ ॥ 99॥

അനാഹതാബ്ജ-നിലയാ ശ്യാമാഭാ വദനദ്വയാ ।
ദംഷ്ട്രോജ്ജ്വലാഽക്ഷ-മാലാദി-ധരാ രുധിരസംസ്ഥിതാ ॥ 100॥

കാലരാത്ര്യാദി-ശക്ത്യൌഘ-വൃതാ സ്നിഗ്ധൌദനപ്രിയാ ।
മഹാവീരേന്ദ്ര-വരദാ രാകിണ്യംബാ-സ്വരൂപിണീ ॥ 101॥

മണിപൂരാബ്ജ-നിലയാ വദനത്രയ-സംയുതാ ।
വജ്രാദികായുധോപേതാ ഡാമര്യാദിഭിരാവൃതാ ॥ 102॥

രക്തവര്‍ണാ മാംസനിഷ്ഠാ ഗുഡാന്ന-പ്രീത-മാനസാ ।
സമസ്തഭക്ത-സുഖദാ ലാകിന്യംബാ-സ്വരൂപിണീ ॥ 103॥

സ്വാധിഷ്ഠാനാംബുജ-ഗതാ ചതുര്‍വക്ത്ര-മനോഹരാ ।
ശൂലാദ്യായുധ-സമ്പന്നാ പീതവര്‍ണാഽതിഗര്‍വിതാ ॥ 104॥

മേദോനിഷ്ഠാ മധുപ്രീതാ ബന്ധിന്യാദി-സമന്വിതാ ।
ദധ്യന്നാസക്ത-ഹൃദയാ കാകിനീ-രൂപ-ധാരിണീ ॥ 105॥

മൂലാധാരാംബുജാരൂഢാ പഞ്ച-വക്ത്രാഽസ്ഥി-സംസ്ഥിതാ ।
അങ്കുശാദി-പ്രഹരണാ വരദാദി-നിഷേവിതാ ॥ 106॥

മുദ്ഗൌദനാസക്ത-ചിത്താ സാകിന്യംബാ-സ്വരൂപിണീ ।
ആജ്ഞാ-ചക്രാബ്ജ-നിലയാ ശുക്ലവര്‍ണാ ഷഡാനനാ ॥ 107॥

മജ്ജാസംസ്ഥാ ഹംസവതീ-മുഖ്യ-ശക്തി-സമന്വിതാ ।
ഹരിദ്രാന്നൈക-രസികാ ഹാകിനീ-രൂപ-ധാരിണീ ॥ 108॥

സഹസ്രദല-പദ്മസ്ഥാ സര്‍വ-വര്‍ണോപ-ശോഭിതാ ।
സര്‍വായുധധരാ ശുക്ല-സംസ്ഥിതാ സര്‍വതോമുഖീ ॥ 109॥

സര്‍വൌദന-പ്രീതചിത്താ യാകിന്യംബാ-സ്വരൂപിണീ ।
സ്വാഹാ സ്വധാഽമതിര്‍ മേധാ ശ്രുതിഃ സ്മൃതിര്‍ അനുത്തമാ ॥ 110॥

പുണ്യകീര്‍തിഃ പുണ്യലഭ്യാ പുണ്യശ്രവണ-കീര്‍തനാ ।
പുലോമജാര്‍ചിതാ ബന്ധ-മോചനീ ബന്ധുരാലകാ ॥ 111॥ or മോചനീ ബര്‍ബരാലകാ

വിമര്‍ശരൂപിണീ വിദ്യാ വിയദാദി-ജഗത്പ്രസൂഃ ।
സര്‍വവ്യാധി-പ്രശമനീ സര്‍വമൃത്യു-നിവാരിണീ ॥ 112॥

അഗ്രഗണ്യാഽചിന്ത്യരൂപാ കലികല്‍മഷ-നാശിനീ ।
കാത്യായനീ കാലഹന്ത്രീ കമലാക്ഷ-നിഷേവിതാ ॥ 113॥

താംബൂല-പൂരിത-മുഖീ ദാഡിമീ-കുസുമ-പ്രഭാ ।
മൃഗാക്ഷീ മോഹിനീ മുഖ്യാ മൃഡാനീ മിത്രരൂപിണീ ॥ 114॥

നിത്യതൃപ്താ ഭക്തനിധിര്‍ നിയന്ത്രീ നിഖിലേശ്വരീ ।
മൈത്ര്യാദി-വാസനാലഭ്യാ മഹാപ്രലയ-സാക്ഷിണീ ॥ 115॥

പരാ ശക്തിഃ പരാ നിഷ്ഠാ പ്രജ്ഞാനഘന-രൂപിണീ ।
മാധ്വീപാനാലസാ മത്താ മാതൃകാ-വര്‍ണ-രൂപിണീ ॥ 116॥

മഹാകൈലാസ-നിലയാ മൃണാല-മൃദു-ദോര്ലതാ ।
മഹനീയാ ദയാമൂര്‍തിര്‍ മഹാസാംരാജ്യ-ശാലിനീ ॥ 117॥

ആത്മവിദ്യാ മഹാവിദ്യാ ശ്രീവിദ്യാ കാമസേവിതാ ।
ശ്രീ-ഷോഡശാക്ഷരീ-വിദ്യാ ത്രികൂടാ കാമകോടികാ ॥ 118॥

കടാക്ഷ-കിങ്കരീ-ഭൂത-കമലാ-കോടി-സേവിതാ ।
ശിരഃസ്ഥിതാ ചന്ദ്രനിഭാ ഭാലസ്ഥേന്ദ്ര-ധനുഃപ്രഭാ ॥ 119॥

ഹൃദയസ്ഥാ രവിപ്രഖ്യാ ത്രികോണാന്തര-ദീപികാ ।
ദാക്ഷായണീ ദൈത്യഹന്ത്രീ ദക്ഷയജ്ഞ-വിനാശിനീ ॥ 120॥

ദരാന്ദോലിത-ദീര്‍ഘാക്ഷീ ദര-ഹാസോജ്ജ്വലന്‍-മുഖീ ।
ഗുരുമൂര്‍തിര്‍ ഗുണനിധിര്‍ ഗോമാതാ ഗുഹജന്‍മഭൂഃ ॥ 121॥

ദേവേശീ ദണ്ഡനീതിസ്ഥാ ദഹരാകാശ-രൂപിണീ ।
പ്രതിപന്‍മുഖ്യ-രാകാന്ത-തിഥി-മണ്ഡല-പൂജിതാ ॥ 122॥

കലാത്മികാ കലാനാഥാ കാവ്യാലാപ-വിനോദിനീ । or വിമോദിനീ
സചാമര-രമാ-വാണീ-സവ്യ-ദക്ഷിണ-സേവിതാ ॥ 123॥

ആദിശക്തിര്‍ അമേയാഽഽത്മാ പരമാ പാവനാകൃതിഃ ।
അനേകകോടി-ബ്രഹ്മാണ്ഡ-ജനനീ ദിവ്യവിഗ്രഹാ ॥ 124॥

ക്ലീംകാരീ കേവലാ ഗുഹ്യാ കൈവല്യ-പദദായിനീ ।
ത്രിപുരാ ത്രിജഗദ്വന്ദ്യാ ത്രിമൂര്‍തിസ് ത്രിദശേശ്വരീ ॥ 125॥

ത്ര്യക്ഷരീ ദിവ്യ-ഗന്ധാഢ്യാ സിന്ദൂര-തിലകാഞ്ചിതാ ।
ഉമാ ശൈലേന്ദ്രതനയാ ഗൌരീ ഗന്ധര്‍വ-സേവിതാ ॥ 126॥

വിശ്വഗര്‍ഭാ സ്വര്‍ണഗര്‍ഭാഽവരദാ വാഗധീശ്വരീ ।
ധ്യാനഗംയാഽപരിച്ഛേദ്യാ ജ്ഞാനദാ ജ്ഞാനവിഗ്രഹാ ॥ 127॥

സര്‍വവേദാന്ത-സംവേദ്യാ സത്യാനന്ദ-സ്വരൂപിണീ ।
ലോപാമുദ്രാര്‍ചിതാ ലീലാ-കൢപ്ത-ബ്രഹ്മാണ്ഡ-മണ്ഡലാ ॥ 128॥

അദൃശ്യാ ദൃശ്യരഹിതാ വിജ്ഞാത്രീ വേദ്യവര്‍ജിതാ ।
യോഗിനീ യോഗദാ യോഗ്യാ യോഗാനന്ദാ യുഗന്ധരാ ॥ 129॥

ഇച്ഛാശക്തി-ജ്ഞാനശക്തി-ക്രിയാശക്തി-സ്വരൂപിണീ ।
സര്‍വാധാരാ സുപ്രതിഷ്ഠാ സദസദ്രൂപ-ധാരിണീ ॥ 130॥

അഷ്ടമൂര്‍തിര്‍ അജാജൈത്രീ ലോകയാത്രാ-വിധായിനീ । or അജാജേത്രീ
ഏകാകിനീ ഭൂമരൂപാ നിര്‍ദ്വൈതാ ദ്വൈതവര്‍ജിതാ ॥ 131॥

അന്നദാ വസുദാ വൃദ്ധാ ബ്രഹ്മാത്മൈക്യ-സ്വരൂപിണീ ।
ബൃഹതീ ബ്രാഹ്മണീ ബ്രാഹ്മീ ബ്രഹ്മാനന്ദാ ബലിപ്രിയാ ॥ 132॥

ഭാഷാരൂപാ ബൃഹത്സേനാ ഭാവാഭാവ-വിവര്‍ജിതാ ।
സുഖാരാധ്യാ ശുഭകരീ ശോഭനാ സുലഭാ ഗതിഃ ॥ 133॥

രാജ-രാജേശ്വരീ രാജ്യ-ദായിനീ രാജ്യ-വല്ലഭാ ।
രാജത്കൃപാ രാജപീഠ-നിവേശിത-നിജാശ്രിതാ ॥ 134॥

രാജ്യലക്ഷ്മീഃ കോശനാഥാ ചതുരങ്ഗ-ബലേശ്വരീ ।
സാംരാജ്യ-ദായിനീ സത്യസന്ധാ സാഗരമേഖലാ ॥ 135॥

ദീക്ഷിതാ ദൈത്യശമനീ സര്‍വലോക-വശങ്കരീ ।
സര്‍വാര്‍ഥദാത്രീ സാവിത്രീ സച്ചിദാനന്ദ-രൂപിണീ ॥ 136॥

ദേശ-കാലാപരിച്ഛിന്നാ സര്‍വഗാ സര്‍വമോഹിനീ ।
സരസ്വതീ ശാസ്ത്രമയീ ഗുഹാംബാ ഗുഹ്യരൂപിണീ ॥ 137॥

സര്‍വോപാധി-വിനിര്‍മുക്താ സദാശിവ-പതിവ്രതാ ।
സമ്പ്രദായേശ്വരീ സാധ്വീ ഗുരുമണ്ഡല-രൂപിണീ ॥ 138॥

കുലോത്തീര്‍ണാ ഭഗാരാധ്യാ മായാ മധുമതീ മഹീ ।
ഗണാംബാ ഗുഹ്യകാരാധ്യാ കോമലാങ്ഗീ ഗുരുപ്രിയാ ॥ 139॥

സ്വതന്ത്രാ സര്‍വതന്ത്രേശീ ദക്ഷിണാമൂര്‍തി-രൂപിണീ ।
സനകാദി-സമാരാധ്യാ ശിവജ്ഞാന-പ്രദായിനീ ॥ 140॥

ചിത്കലാഽഽനന്ദ-കലികാ പ്രേമരൂപാ പ്രിയങ്കരീ ।
നാമപാരായണ-പ്രീതാ നന്ദിവിദ്യാ നടേശ്വരീ ॥ 141॥

മിഥ്യാ-ജഗദധിഷ്ഠാനാ മുക്തിദാ മുക്തിരൂപിണീ ।
ലാസ്യപ്രിയാ ലയകരീ ലജ്ജാ രംഭാദിവന്ദിതാ ॥ 142॥

ഭവദാവ-സുധാവൃഷ്ടിഃ പാപാരണ്യ-ദവാനലാ ।
ദൌര്‍ഭാഗ്യ-തൂലവാതൂലാ ജരാധ്വാന്ത-രവിപ്രഭാ ॥ 143॥

ഭാഗ്യാബ്ധി-ചന്ദ്രികാ ഭക്ത-ചിത്തകേകി-ഘനാഘനാ ।
രോഗപര്‍വത-ദംഭോലിര്‍ മൃത്യുദാരു-കുഠാരികാ ॥ 144॥

മഹേശ്വരീ മഹാകാലീ മഹാഗ്രാസാ മഹാശനാ ।
അപര്‍ണാ ചണ്ഡികാ ചണ്ഡമുണ്ഡാസുര-നിഷൂദിനീ ॥ 145॥

ക്ഷരാക്ഷരാത്മികാ സര്‍വ-ലോകേശീ വിശ്വധാരിണീ ।
ത്രിവര്‍ഗദാത്രീ സുഭഗാ ത്ര്യംബകാ ത്രിഗുണാത്മികാ ॥ 146॥

സ്വര്‍ഗാപവര്‍ഗദാ ശുദ്ധാ ജപാപുഷ്പ-നിഭാകൃതിഃ ।
ഓജോവതീ ദ്യുതിധരാ യജ്ഞരൂപാ പ്രിയവ്രതാ ॥ 147॥

ദുരാരാധ്യാ ദുരാധര്‍ഷാ പാടലീ-കുസുമ-പ്രിയാ ।
മഹതീ മേരുനിലയാ മന്ദാര-കുസുമ-പ്രിയാ ॥ 148॥

വീരാരാധ്യാ വിരാഡ്രൂപാ വിരജാ വിശ്വതോമുഖീ ।
പ്രത്യഗ്രൂപാ പരാകാശാ പ്രാണദാ പ്രാണരൂപിണീ ॥ 149॥

മാര്‍താണ്ഡ-ഭൈരവാരാധ്യാ മന്ത്രിണീന്യസ്ത-രാജ്യധൂഃ । or മാര്‍തണ്ഡ
ത്രിപുരേശീ ജയത്സേനാ നിസ്ത്രൈഗുണ്യാ പരാപരാ ॥ 150॥

സത്യ-ജ്ഞാനാനന്ദ-രൂപാ സാമരസ്യ-പരായണാ ।
കപര്‍ദിനീ കലാമാലാ കാമധുക് കാമരൂപിണീ ॥ 151॥

കലാനിധിഃ കാവ്യകലാ രസജ്ഞാ രസശേവധിഃ ।
പുഷ്ടാ പുരാതനാ പൂജ്യാ പുഷ്കരാ പുഷ്കരേക്ഷണാ ॥ 152॥

പരംജ്യോതിഃ പരംധാമ പരമാണുഃ പരാത്പരാ ।
പാശഹസ്താ പാശഹന്ത്രീ പരമന്ത്ര-വിഭേദിനീ ॥ 153॥

മൂര്‍താഽമൂര്‍താഽനിത്യതൃപ്താ മുനിമാനസ-ഹംസികാ ।
സത്യവ്രതാ സത്യരൂപാ സര്‍വാന്തര്യാമിനീ സതീ ॥ 154॥

ബ്രഹ്മാണീ ബ്രഹ്മജനനീ ബഹുരൂപാ ബുധാര്‍ചിതാ ।
പ്രസവിത്രീ പ്രചണ്ഡാഽഽജ്ഞാ പ്രതിഷ്ഠാ പ്രകടാകൃതിഃ ॥ 155॥

പ്രാണേശ്വരീ പ്രാണദാത്രീ പഞ്ചാശത്പീഠ-രൂപിണീ ।
വിശൃങ്ഖലാ വിവിക്തസ്ഥാ വീരമാതാ വിയത്പ്രസൂഃ ॥ 156॥

മുകുന്ദാ മുക്തിനിലയാ മൂലവിഗ്രഹ-രൂപിണീ ।
ഭാവജ്ഞാ ഭവരോഗഘ്നീ ഭവചക്ര-പ്രവര്‍തിനീ ॥ 157॥

ഛന്ദഃസാരാ ശാസ്ത്രസാരാ മന്ത്രസാരാ തലോദരീ ।
ഉദാരകീര്‍തിര്‍ ഉദ്ദാമവൈഭവാ വര്‍ണരൂപിണീ ॥ 158॥

ജന്‍മമൃത്യു-ജരാതപ്ത-ജനവിശ്രാന്തി-ദായിനീ ।
സര്‍വോപനിഷ-ദുദ്-ഘുഷ്ടാ ശാന്ത്യതീത-കലാത്മികാ ॥ 159॥

ഗംഭീരാ ഗഗനാന്തസ്ഥാ ഗര്‍വിതാ ഗാനലോലുപാ ।
കല്‍പനാ-രഹിതാ കാഷ്ഠാഽകാന്താ കാന്താര്‍ധ-വിഗ്രഹാ ॥ 160॥

കാര്യകാരണ-നിര്‍മുക്താ കാമകേലി-തരങ്ഗിതാ ।
കനത്കനകതാ-ടങ്കാ ലീലാ-വിഗ്രഹ-ധാരിണീ ॥ 161॥

അജാ ക്ഷയവിനിര്‍മുക്താ മുഗ്ധാ ക്ഷിപ്ര-പ്രസാദിനീ ।
അന്തര്‍മുഖ-സമാരാധ്യാ ബഹിര്‍മുഖ-സുദുര്ലഭാ ॥ 162॥

ത്രയീ ത്രിവര്‍ഗനിലയാ ത്രിസ്ഥാ ത്രിപുരമാലിനീ ।
നിരാമയാ നിരാലംബാ സ്വാത്മാരാമാ സുധാസൃതിഃ ॥ 163॥ or സുധാസ്രുതിഃ

സംസാരപങ്ക-നിര്‍മഗ്ന-സമുദ്ധരണ-പണ്ഡിതാ ।
യജ്ഞപ്രിയാ യജ്ഞകര്‍ത്രീ യജമാന-സ്വരൂപിണീ ॥ 164॥

ധര്‍മാധാരാ ധനാധ്യക്ഷാ ധനധാന്യ-വിവര്‍ധിനീ ।
വിപ്രപ്രിയാ വിപ്രരൂപാ വിശ്വഭ്രമണ-കാരിണീ ॥ 165॥

വിശ്വഗ്രാസാ വിദ്രുമാഭാ വൈഷ്ണവീ വിഷ്ണുരൂപിണീ ।
അയോനിര്‍ യോനിനിലയാ കൂടസ്ഥാ കുലരൂപിണീ ॥ 166॥

വീരഗോഷ്ഠീപ്രിയാ വീരാ നൈഷ്കര്‍ംയാ നാദരൂപിണീ ।
വിജ്ഞാനകലനാ കല്യാ വിദഗ്ധാ ബൈന്ദവാസനാ ॥ 167॥

തത്ത്വാധികാ തത്ത്വമയീ തത്ത്വമര്‍ഥ-സ്വരൂപിണീ ।
സാമഗാനപ്രിയാ സൌംയാ സദാശിവ-കുടുംബിനീ ॥ 168॥ or സോംയാ

സവ്യാപസവ്യ-മാര്‍ഗസ്ഥാ സര്‍വാപദ്വിനിവാരിണീ ।
സ്വസ്ഥാ സ്വഭാവമധുരാ ധീരാ ധീരസമര്‍ചിതാ ॥ 169॥

ചൈതന്യാര്‍ഘ്യ-സമാരാധ്യാ ചൈതന്യ-കുസുമപ്രിയാ ।
സദോദിതാ സദാതുഷ്ടാ തരുണാദിത്യ-പാടലാ ॥ 170॥

ദക്ഷിണാ-ദക്ഷിണാരാധ്യാ ദരസ്മേര-മുഖാംബുജാ ।
കൌലിനീ-കേവലാഽനര്‍ഘ്യ-കൈവല്യ-പദദായിനീ ॥ 171॥

സ്തോത്രപ്രിയാ സ്തുതിമതീ ശ്രുതി-സംസ്തുത-വൈഭവാ ।
മനസ്വിനീ മാനവതീ മഹേശീ മങ്ഗലാകൃതിഃ ॥ 172॥

വിശ്വമാതാ ജഗദ്ധാത്രീ വിശാലാക്ഷീ വിരാഗിണീ ।
പ്രഗല്‍ഭാ പരമോദാരാ പരാമോദാ മനോമയീ ॥ 173॥

വ്യോമകേശീ വിമാനസ്ഥാ വജ്രിണീ വാമകേശ്വരീ ।
പഞ്ചയജ്ഞ-പ്രിയാ പഞ്ച-പ്രേത-മഞ്ചാധിശായിനീ ॥ 174॥

പഞ്ചമീ പഞ്ചഭൂതേശീ പഞ്ച-സംഖ്യോപചാരിണീ ।
ശാശ്വതീ ശാശ്വതൈശ്വര്യാ ശര്‍മദാ ശംഭുമോഹിനീ ॥ 175॥

ധരാ ധരസുതാ ധന്യാ ധര്‍മിണീ ധര്‍മവര്‍ധിനീ ।
ലോകാതീതാ ഗുണാതീതാ സര്‍വാതീതാ ശമാത്മികാ ॥ 176॥

ബന്ധൂക-കുസുമപ്രഖ്യാ ബാലാ ലീലാവിനോദിനീ ।
സുമങ്ഗലീ സുഖകരീ സുവേഷാഢ്യാ സുവാസിനീ ॥ 177॥

സുവാസിന്യര്‍ചന-പ്രീതാഽഽശോഭനാ ശുദ്ധമാനസാ ।
ബിന്ദു-തര്‍പണ-സന്തുഷ്ടാ പൂര്‍വജാ ത്രിപുരാംബികാ ॥ 178॥

ദശമുദ്രാ-സമാരാധ്യാ ത്രിപുരാശ്രീ-വശങ്കരീ ।
ജ്ഞാനമുദ്രാ ജ്ഞാനഗംയാ ജ്ഞാനജ്ഞേയ-സ്വരൂപിണീ ॥ 179॥

യോനിമുദ്രാ ത്രിഖണ്ഡേശീ ത്രിഗുണാംബാ ത്രികോണഗാ ।
അനഘാഽദ്ഭുത-ചാരിത്രാ വാഞ്ഛിതാര്‍ഥ-പ്രദായിനീ ॥ 180॥

അഭ്യാസാതിശയ-ജ്ഞാതാ ഷഡധ്വാതീത-രൂപിണീ ।
അവ്യാജ-കരുണാ-മൂര്‍തിര്‍ അജ്ഞാന-ധ്വാന്ത-ദീപികാ ॥ 181॥

ആബാല-ഗോപ-വിദിതാ സര്‍വാനുല്ലങ്ഘ്യ-ശാസനാ ।
ശ്രീചക്രരാജ-നിലയാ ശ്രീമത്-ത്രിപുരസുന്ദരീ ॥ 182॥

ശ്രീശിവാ ശിവ-ശക്ത്യൈക്യ-രൂപിണീ ലലിതാംബികാ ।
ഏവം ശ്രീലലിതാ ദേവ്യാ നാംനാം സാഹസ്രകം ജഗുഃ ॥

॥ ഇതി ശ്രീബ്രഹ്മാണ്ഡപുരാണേ ഉത്തരഖണ്ഡേ ശ്രീഹയഗ്രീവാഗസ്ത്യസംവാദേ
ശ്രീലലിതാ സഹസ്രനാമ സ്തോത്ര കഥനം സമ്പൂര്‍ണം ॥